الخيانه

هجرب ألعب دورك
واموت جواك غرورك
هشوف احساسك ايه
وانت فى حضنى وبخونك
نفسى اشوفك مكانى
تعيش حزين بالليالى
ساعتها هتبرد نارى
لما قلبك يموت قدامى

وانسه اللى عاش وياك زمان
ده كان طيب كان غلبــــــــان
افتكرك قلب بجد تستاهل
ولقاك قدامه مش انسان
مش هسيبك منى تروح
ولازم اشوفك مجروح
جرحى مش كدا بالساهل
وراك مطرح ما تفكر تروح

هعلم قلبى ازاى يكره
يحبك وفى ثانيه ينسه
قلبك ده هخليــــــــــه
ملهوش امل فى بكره
مش غريب اللى هعمله
ده درس ولازم اكمله
فى واحد قلبه رميه
بيعذب اللى بيحن ليه